[清潔mask推介]*BORGHESE/ nuskin/ IPSA

依篇係第一篇在Google Blog的分享， Yahoo Blog真煩死人! 我的舊分享仍未搬家呢，希望好快能完成依行大工程！

今次想同大家分享我嘅心水清潔mask，首先想介紹BORGHESE依隻又紅又綠的泥mask， 相信幾乎每位女士都見過依瓶野，但就未必太多人用過，無可否認依個brand的吸引情度實在麻麻。但我向來都愛試用經典產品，能夠由一個品牌起家到幾十年後，都仍是該品牌best selling item，定必有它的過人之處! 就如SKII神仙水, Chanel既經典香水等等! 

講返BORGHESE嘅mask, 我分別會用粉,紫,藍三隻,但最愛用的是藍色個瓶! 適合中性／混合性皮膚使用。它的主要成份及功效：

• 意大利泥漿—滋潤乾燥皮膚
• 礦物維他精華「活水」專利配方—舒緩及平衡皮膚水分
• 蘆薈啫喱、燕麥蛋白、芒果奶油—修補乾燥皮膚，增加水分和減退細紋
• 綠茶、橄欖、甘菊油—具舒緩功效，重現肌膚明亮光彩
• 維生素E、紅花、西柚油—保護皮膚免受環境傷害，使肌膚柔軟嫩滑

成份我不細講，BORGHESE淺藍這瓶泥主要功效係保濕滋潤，依瓶mask用落好有去美容院做facial feel，質地有點像mossue狀，好滑身！上面只需見不到皮膚的厚度便可以！上面後有一種冰涼感覺，超舒服，而且味道都非常好，一句講晒，論relaxing感覺真係100分！所以我係超愛用這瓶mask！不過，講到保濕度我就覺得一般啦！要講保濕有其他牌子好過它！我本人當它係一隻全面性的mask甘用，意思係有一定的保濕，基於它是泥，有一定的清潔度，最重要係用落好relaxing！尤其如果我自己向屋企針清完，我一定選用依隻淺藍mask！對於退紅都有一定作用！

有朋友話BORGHESE嘅mask都好難洗，我馬上會問她：『你是否買了細size或向水貨店買？』因為原裝大size係有一個海棉附送，專用來洗走mask！依個棉棉簡直就係mask必備，有佐依個棉棉，基本上洗各種質地嘅mask都好方便！致於BORGHESE粉色清潔mask，我真係吾太推介大家用，真的實在太快乾，上面10分鐘已拉到我塊面死死下，太刺激了！

功效及成份

• 採用太平洋西北岸的遙遠冰川三角洲的冰河泥，蘊含豐富礦物質成分，有效清潔面部肌膚; 幼細的冰河泥，能徹底去除肌膚污垢及死皮細胞
• 配方蘊含海洋植物精華，防止泥漿於乾透後出現乾裂剝脫的情況

如果要講深層清潔，自我試用nuskin這隻皇牌冰河泥深層清潔mask，我唸我遇到我的Mr.right了！嘻！我要先講它最吸引我我優點～實在太易洗了！而且吾似一般清潔mask甘乾！即15mins後絕不會有一笑即裂個種！它是比較水狀的，好滑好易推開，乾後質地係一遇水即溶化，所以非常容易洗！以往我係極懶用清洗mask，因為洗真係好麻煩！早兩日我面額生佐粒暗瘡想爆想爆，最怕就係生在面額，無論點遮，一上胭脂真係沒法擋！我當晚即用依支清潔mask， 明顯第二日粒瘡瘡謝返少少，起馬無甘紅！Anyway，我都非常推介大家可試下依支皇牌mask！它在nuskin的知名程度，不少於部spa機！而且，實在都底用$260 (200ml)！

最後一隻心水推介，IPSA Refiner Skin Clear-ize Clay，超適合激懶激懶嘅朋友，能於短短5分鐘，將死皮粉刺清除！依支mask質地係好似磨沙膏咁，係一支快速清潔mask！它不太厚身，帶點水狀！用法好似磨沙膏咁，磨沙後停留在面上數分鐘先洗！一支有齊peeling & cleaning mask嘅功效！你話係咪激懶人之選呢！而且只需停留數分鐘就可以！實在係快靚正！功效就跟一般cleaning mask差不多！但因有peeling步驟，所以用後感塊面相當滑！不過，價錢就貴少少，要＄3xx!

另外，比個小tips大家！想容易快手就洗走d mask，而又無BORGHESE個棉棉，大家可以去SaSa或卓悅買以下依塊棉棉！它絕對係洗mask好幫手！

＊因為未從Yahoo Blog搬家的關係，如有興趣睇我其它扮靚分享嘅朋友，請按下面條link！另外，都歡迎大家有任何扮靚問題，可直接留言或whatsapp我 66906585 Clara ^.~

http://blog.yahoo.com/callmesister/articles/page/1