[ 暗瘡篇 ]

[ 妹妹篇 ]

先講講自己嘅故事, 以前我既皮膚雖然未必係100分, 但係都值85分! 同家姐出街好多時都有人問我用咩粉底或咩牌子既護膚品! 當時其實我咩都用, 因為分別都不大, 後生嘛! 不過幾年前不知從邊曰開始我變成暗瘡面, 時間大約圍持左2年, 個段時間真係人都瘋......... 連男朋友都問我 “點解你D皮膚甘差架?” 超唔開心

以前嘅我, 護膚品重點全部用有美白成份! 最初面上開始出現暗粒, 有時D 粒粒會變左暗瘡, 重要一堆堆甘生, 生完左面到右面再到額頭, 之後又再到左面.... 如此類推! 最初以為護膚品問題, 所以一次過換曬用開嘅護膚品! 去了解下D 護膚品時, 推介我買嘅Sales姐姐當然說我少問題, 我先試過醫學美容護膚, Sales姐姐話我底層缺水! 其後都轉過好3幾隻牌子! 次次全套買! 但係都無咩好轉~ 之後開始懷疑係身體內嘅問題, 就去佐睇中醫..... 話我濕重! 一食中藥就食佐3個月, 當然收場係“一如意往.... 後來經媽咪朋友介紹去佐尖咀睇皮膚科醫生, 每次為 $1800大元! 想死!! 食藥其間真係有好轉... 無再生暗瘡...  點知一停藥" 天呀! 又來了! 經朋友介紹下, 我又再轉另一位醫生! 一問之下原來發覺之前位DR. 比我食嘅藥都帶有類固醇... 所以食住藥, 唔會生暗瘡 依位醫生明顯比之前個位細心好多, 係某藝人既弟弟! 每次都好用心用儀器鏡幫我睇,  食左3個月葯+ (努力做醫生介紹嘅Mask ), 雖然有好轉, 不過都重係生暗瘡! 醫生話我D 毛孔其實無問題, 吾建議我再食藥, 之後我再無睇醫生! 

後來有位朋友話好大機會係我用落妝油, 但我用落妝油已好多年, 真係關事嗎? 但點都要一試啦! 就轉用佐 Bioderma落裝水! 當日可以Free做皮膚測試機, 話係養和都用, 結果吾多講, 乖乖地拿張卡出黎買晒 Sales姐姐介紹全Set野 ( 全為補濕系列 ) 不過, 今次真係幫我既暗瘡畫上了句號! 之後我介紹超多客人及親戚朋友用! 都一眾讚好! 

***真心推介: 皮膚有問題既朋友, 勿用落妝油! 用完清潔Mask, 請記住要再用保濕Mask***

自個次之後, 我屋企既所有護膚品就再吾係美白, 而係保濕! 本人深深覺得只要保濕做得好, 好多皮膚上既問題都會解決, 個妝都靚D!
不過當然啦... 有時都會有一兩粒暗瘡, 在此介紹3支法寶比大家!

類A酸  ( adapalene )

質地係透明嗜喱狀, 可以使毛孔角化現象正常化, 抑制小粉刺生成, 更有對抗青春痘發炎的效果! 通常我一發現開始起暗瘡, 我晚上會厚搽! 切勿早上用, 因A酸不能接觸太陽! 另外, 用於粉刺及黑頭處都好見效, 可大範圍搽於粉刺位置!  

DALACIN T 暗瘡水

此款暗瘡消炎水包裝似安美露, 有藍色棉頭, 無需用手指點! 我已經使用多年, 就連大暗瘡都一樣惦! 不過, 要忍手要有恆心! 每日搽幾次!  一定惦... 另外, 有時我自己向屋企針清完, 我都會用佢來消炎! 依款我就覺得早上用都好好, 因為係水質, 完全不影向上妝!  

暗瘡粉刺頀理嗜喱

我近日愛上及常用既暗瘡護理產品, 性質比以上兩種再溫和, 但都好見效, 特別推介比皮膚較敏感嘅朋友! 不竟上面兩款都係皮膚科醫生使用多, 所以如屬敏感皮膚嘅朋友, 我建議使用以下這一款! 價錢$95