[ Volume Hair ]* 幼髮

今次想同大家分享一下頭髮用品" 近年都比較流行有 Volume既髮型, 頭頂鬆鬆的! 我本身D 頭髮係好幼好直, 先不講造型, 就連洗頭, 今日洗完... 明天已經好似好 “立" 甘! 再講我本身頭髮吾算好多, 睇落就更無Volume, 就算扎All Back, 頭頂都好扁!

後來, 一次去一間有D名氣既Salon 整頭, Hair Stylist 介紹佐我用上圖隻洗頭水! 超好用! 依隻洗頭水特別適合幼頭髮或少頭髮既朋友, 用後比較清爽, 頭髮會比較鬆, 睇落好似多佐頭髮甘, 就連我 Daddy因為頭髮脫落, 無咩頭髮, 用佐之後睇落都好似多D頭髮甘! 價錢就地方性可能有少少出入! 第一次向Salon買係$2xx, 後來發現向頭髮用品店買平好多! 旺角女人街有一間好多年既頭髮用品店賣$140, 銅鑼灣女人街都有一間就最平$130! 其實好底用, 因為比平日一般既Size 大多半支倒!
另外, 護髮素問題～短髮朋友用e隻洗頭水無需用護髮素, 尤其幼髮人士! 用佐會另頭髮變軟, 甘就又吾鬆! 而且, 其實護髮素係沒有護髮功效架! 護髮素只能使頭髮順滑, 並沒有任何實際的修護作用! 但如果你仍覺有需要, e個牌子都有護髮素的! 

另一樣超好用既 "髮寶" 就係鹽水! 可能有好多朋友都有用過或用緊! 用後睇落又係好似多頭髮及鬆好多! At least, 頭頂無甘扁! 用過好多隻, 但下圖依隻真係好好用! 吾 "立" 好爽又有效果! 其實有好多鹽水都有加入了泥既成份, 如果 For頭髮幼既朋友, 可能即時係有效果, 但半日後你會發現塌晒落黎! 重衰過無用! 原因係泥重身, For男性或粗頭髮既朋友就會好D! 而我介紹依一隻就無泥既成份, 係純鹽水, 而且個噴頭噴得好幼細! 用落吾會整到個頭好 "立"  我Highly Recommend! 95分
用法: 洗頭後用布抹乾, 噴2﹣3下, 再用風筒吹乾! 如set卷髮, 用熱棒set頭前後都可噴上! 

＊希望今次嘅分享能幫到大家啦！＊

最愛[雪花秀Overnight Vitalizing Mask]

今次想介紹大家我最愛用既Over Night Sleeping Pack (可敷過夜的mask) 雪花秀Overnight Vitalizing Mask, 韓國護膚品中的表表姐”

【主要成份】天然草藥精華
雪花秀 ─ 韓國最尊貴的天然護膚品牌雪花秀，為韓國最大化妝護膚品王國Amore Pacific 為韓國最大化妝護膚品王國旗下的品牌。Amore Pacific早於1945年成立，並於1997年推出雪花秀產品，憑著韓方傳統醫學理念，巧妙運用不同的炮製法以提升各種草藥之療效，至今已成為韓國最尊貴的天然護膚品牌

【Overnight Vitalizing Mask】以豐富滋補養分與草藥精華成分，喚醒肌膚朝氣光采的韓方草藥睡眠面膜，能於肌膚表面形成補濕膜，確保入睡休息時，各種草藥滋補養分可源源滲透。

當歸與石榴：有助明淨膚色，合桃及桑白皮精華則可徹夜為肌膚補充所需養分，一覺醒來重現活力朝氣。

成份吾多講, 我試過好多隻 Overnight嘅免洗Mask, 直致遇上雪花秀依支 “我找到了“ 就一直無再轉過! 香港專櫃售價為 $400, 韓國買則平得多, 當然而家有好多水貨店都有得賣, 價錢平好多! 我早前在Color Mix買, 都只不過係 $285! 
先講下包裝, 市面上好少 Sleeping Pack係支裝, 我本人吾多 like用瓶裝產品, 取分量吾方便之餘又吾多衛生甘! 如果做佐 Gel甲就重衰! 入晒手指甲, 所以雪花秀依支Sleeping Mask嘅包裝我就大愛!

質感方面, 潤而不立! 之前我曾用過H20, Laneige等等.... 大都係 Gel狀, 即半透明個種, 而雪花秀則係 Cream狀! 用後反而無佐個種有層膜在表面嘅感覺! 會覺得好滑手又吾立! 就算香港天氣甘潮濕都吾覺痴立立! 如較young嘅膚質, 可取小d份量! 味道我就最愛, 因為好天然草本味, 夜晚用聞到都好舒服!

上為雪花秀Cream狀, 下為大部份牌子半透明Gel狀

敷了之後, 第二日會發現皮膚變得白滑, 連毛孔都比較細緻, 主要係因為皮膚飲飽水, 毛孔就會變得細緻平滑! 上妝就當然更加貼服! 如果你有用開其它牌子嘅Sleeping Pack, 你一轉用雪花秀, 絕對會Feel到有吾好! 簡單講 "有力好多" 我極力推介大家一試

[橙粉]*4個橙嘅維他命C

不得不介紹比各位潮媽依隻橙粉, 我超愛! 我個囡就更愛! 只後悔認識得太遲! 每一盒有30包, 價錢只係$325 每包只係＄10.8... 最緊要係開到好大柸 

每一包都有相等於4個橙嘅維他命C, 但就沒有4個橙嘅果糖, 另外還有維他命C, E, 及食用纖維等, 而熱量則只有80卡路里" 10個月以上Baby就可以飲用, 孕婦都可以放心使用, 每包都有鈣, 鐵及葉酸呢!  我好少買Baby 飲品比我囡囡! 因為不太了解有咩成份, 而且D Baby飲品都吾平! 反而依隻橙粉純天然我就比較放心! 

一般小朋友可每日飲用一包, 一包開8-10oz水 (約260cc), 我就通常分兩次開, 即半包開5oz水 (約140cc) 其實水嘅分量可自己控制, 一般沖比我個囡, 我就會開多少少水, 免得太甜! 平日可當橙汁在Tea Time時飲, 如果見個囡流鼻水, 我就日日比囡囡飲! 而我自己作感冒或感冒期間我都會飲用! 我係一個好易感冒嘅人, 所以維他命C產品, 係我家中之寶!
記得我大肚時, 當時未認識依隻橙粉, 感冒又吾想食藥, 我通常都係飲維多C, 因為康鈣司D味我麻麻地! 但其實我都吾Confirm維多C係飲吾飲得! 橙粉味道同維多C差吾多, 但就吾會 “炸”一聲有氣! 後期介紹我媽媽會D媽媽, 原來有不少媽媽大肚已飲用依隻橙粉! Anyway, 我極力推介比大肚中及有 Baby嘅媽咪! 信心保證"

*有興趣一起買嘅媽媽可於9月5日前 Inbox或 whatsapp我 (66906585 Clara), 我會於 9月6日落單, 75折優惠價 $245, 可在旺角/ 馬鞍山取貨, 想一齊買就Message我啦"  

[ 保濕噴霧 Mist ] *Jurlique/ Jill Stuart/ NuSkin

由左至右: innisfree jejubija anti-trouble mist （專for問題皮膚, 用後其實就無咩特別)
NuSkin (我近日心水mist)
innisfree canola honey jelly mist (韓國用可以, 香港用就好立, 味道好Honey)
BIODERMA (話說有鎖水工能, 但就帶吾到出街用, 好大支, 上妝前噴都吾錯)

evian (大眾化價錢）

今次想同大家分享下心水mist, 其實以前係沒有用mist的習慣! 自有一段時間皮膚好乾, 個妝根本無法hold到一日, 加上香港天氣想吾溶妝都有困難, 到中午點都要補一次妝! 但基於到下午皮膚開始變乾, 點補d粉都係吾貼! 後期我就開始使用mist! 一用愛上！ 

試過不少嘅mist, 第一支買嘅係Julique Rose Water, 好鍾意玫瑰嘅清新味道! 好舒服! 不過, 同時介紹過一d朋友用, 部份人確得太香! 保濕程度我用“可以”去形容! 因為價錢都幾貴, 但就未必有太大驚喜! 大家都知道, 向來價錢就是同效果連在一體! 嘻!  

其後都試過好幾個牌子, 都係差不多! 不過, 想介紹一下其中一隻我吾建議大家買嘅mist ~Jill Stuart, 當時被個包裝吸引, 一讚的只有個包裝設計及個噴嘴! 能噴出好幼細嘅mist! 其餘的都係負評, 質地好痴立立! 噴完後你必須再上粉! 你會感覺mist不被吸收, 而係停留向皮膚表面! 另外, 味道真係太香太假! 最後我成瓶倒了, 只留瓶作refill之用! 

近日, 在試Nu Skin不同嘅產品, 其中發現支mist價錢好吸引! 噴後感及補濕程度都吾錯! At least, 單用吾會痴立立! 上面質感好輕! 好似好快被吸收甘, 最緊要係無咩味道, 因為自從大肚及生佐囡囡後, 我都少用了一些太香嘅產品! 尤其係噴嘅產品!  Nu Skin NaPCA Mist可以噴皮膚及頭髮. 蘊含天然保濕成分, 透明質酸及玻尿酸, 而且不含油分!

最強實驗

今日睇佐個用家分享之後，做佐一個最強最補濕mist測試！真係太有趣～nuskin支mist真係強強強！將不同牌子嘅噴霧噴向鏡上面，半小時之後大部份其它牌子嘅mist都乾透不留痕跡，其實有d吾洗10分鐘已乾晒！其中包括我都愛用嘅BIODERMA。但Nuskin NaPCA噴霧仍有水珠在鏡面，我五個鐘後再check都重有層水份向鏡，真係好強呀！原因係NaPCA有獨特補濕成份，可以向空氣中吸收相當於它自身重量嘅60﹪水份，而且重可以將水份銷住向肌膚表層。即是如果我地噴佐向面，就等如24小時用住塊mask甘！太強！吾做實驗都真係吾知甘勁！Amazing!

介紹多樣野比大家, 如果你買佐支mist, 又吾想成大支帶出街, 當然係去買個輕便裝嘅小瓶! 介紹大家定必要試試"無印“ 既小瓶! 單講瓶身質量一定比一般嘅好! 最重要係個噴嘴, 係好散好幼細！ 而且好耐用！價錢都吾貴！我極力推介! 

[超強SOYA洗甲水]

之前教大家用閃粉甲油自己DIY美甲, 昨日有朋友問我 “閃粉好難洗呢" 
Oh.... 先發現忘記同大家介紹洗甲水, 有佐ZOYA支Remover... 要落閃粉或再多層嘅甲油都無難度! 

細支裝的瓶口設計非常方便, 講返易落程度, 基本上我平日Base + 兩層甲油 + Top, 一下就洗到, 我指嘅係一按一抹! 如果有閃粉, 你可能按住由1數到5, 用少少力都已經洗到! 而且, SOYA remover有護甲成份, 落完明顯睇到指甲吾係啞晒無晒光澤!  我介紹晒我d姨媽姑姐用, 個個都只有讚及再買大支裝! 因為有分兩個size...當然大size底用好多! 我一般建議大家先買支細, 因瓶蓋更方便, 用完就買大支refill! 

價錢: 過兩日覆大家, 因為大個支買佐好耐都未用晒! 都忘記價錢了! 大約$280, 細約$160! 會再confirm大家價錢! 致於銷售點, 我係在旺角一間上樓嘅nail spa買, 有趣興朋友可inbox/ message我!
希望幫到大家完成家中DIY美甲中最吾enjoy嘅一個步驟啦!

[ Nail ] 美甲DIY *O.P.I/ china glaze/ MISSHA/ Tony Mony/ ZOYA*

[ 姐姐篇 ]
講到Nail, 識得我同妹妹耐嘅客人都一定會知, 久在ViVi 流行既時期, 我地嘅Gel Nail係做到超長+ D石超大超爆! 一開始流行Gel甲, 我同妹妹痴到用上5位數字去Join Nail Plan! 多年後, 都整到無款好整, 結果我地轉做Color Gel, 後期Soft Gel, 再後期去Nail Spa比人油甲油, 到現在... 自己係屋企DIY! 教下大家點樣可以在家簡單做套有款嘅Nail"  近其市面新出咗不少各式各樣既閃粉, 閃粉就係我同妹妹既法寶! 當然我指既閃粉係一D 新穎既閃粉, 而非以往一般全瓶一樣大細既閃粉...
***以下係我心水推介***

( 由左至右 ) Tony Moly GR04/ GR02/ GR16
*GR04/ GR02 單用不加底色已經很好, 能做出Gel 嘅亮透感" GR16需加底色使用"
價錢＄40

( 由左至右 ) 第一行:  MISSHA No.6/  MISSHA No.3/  MISSHA No.8/  Luxeffect J900/
第二排: china glaze 1120/ china glaze 1181/ O.P.I NLT56/ color CLUB 902
價錢 $48~ $120

排位方面, 通常右手我會選第2+ 3 或 2+ 4上閃粉, 第2隻手指我必定上閃粉, 因為最多接觸東西, 最容易掉色, 上佐閃粉後, 第1無甘容易掉色, 二來掉色都會無甘分明同無甘覺眼! 左手可選3+ 4或 2+ 5, 都係同樣當你上左心儀既顏色甲油後加上面, 以下係我之前既作品, 比大家參考下!

另外, 近期流行既金屬甲油都可以做出不一樣既效果, 尤其適合型格既朋友

（ 左至右 ) china glaze 1210/ china glaze NLS99/ china glaze1042(此金係爆列甲油)
*china glaze 1210 較適合型格朋友, NLS99 就私文或較 Lady既朋友都可以試下*
價錢 $80~120

講佐甘多面層既野, 都要講下d基本功, 我所謂既基本功係指 1. 底油 2. 甲油 3. 面油"  底層我只會選用靚牌子, 大部份都係美國品牌如O.P.I/ZOYA/china glaze等等 (約$80~$100) 因為持久度一定比平價好好好好好多! 另外快乾度都一定又係快好好好好好好多!  O.P.I 一般2分鐘都已經乾8~9成! 如果支甲油, 油咗之後係Keep到一星期, 平到$5 我都吾會買, 因為要做一套甲真係話快吾快, 話慢吾慢! 我平均一套甲Keep到 1個半星期或以上! 我所指的是一星期內吾出現任何掉色嘅情況, 尢其d指甲邊, 是完正無缺的!
 ***以下我分3部份為大家推介必買的底油, 甲油及面油*** 

[ 底油 Base $120 ]

[ 甲油 Nail Polish ]
O.P.I/ ZOYA/ china glaze...

[ 面油 Top Coat ]
Seche Vite 這隻Top Coat不得不極極極力推介* 快乾程度大約係30秒" 而且亮度可比美Gel甲面* 必試推介* 100分* 
就係因為依支Top Coat, 好多客成日以為我係做Gel甲! 嘻! 價錢$80-$100 

最後, 提醒大家切勿自己剪手皮!  在家中其實只需要推走d手皮就可以, 勿剪! 如果把剪吾鋒利, 只會越剪越多! 甚至有D 朋友去Nail Spa比人修甲後都會出現此情況!  靚一時, 之後就慘! 飛晒D 甲皮出黎, 起晒倒刺!  原因都係因為把剪刀吾夠鋒利, 又或者個甲師吾夠經驗所致! 其實你只要推吾剪, 耐佐你D甲皮會自然收乾及變少! 此方法都係一個資深既甲師教我! 大家可試試!

以上分享大家如果有咩吾明或吾知邊道有得買等等, 都歡迎留言比我地! 我地定必回覆及盡力解答!
*甲油, 除Tony Moly或MISSHA等牌子, 其餘我多數都係上樓買, 平好多呢! 

[ 抵用之選 ] Kanebo Freshel Mineral BB Cream Moist $99

左面金色: "極潤, 保濕度效高, 適合效乾皮膚使用或成熟膚質使用
右面金銅色: 更清爽, 建議下天使用

[ 姐姐篇 ]

一出Post 1日已有數位朋友 Whatsapp問我 nanoce BB cream 邊道可以買到? 今日我會再介紹一隻 $99 嘅BB cream, 都係係 City Super內 Log-On有售! 就係 Kanebo Freshel Mineral BB Cream Moist*** 提提大家勿到專櫃問甘傻仔, 因為佢係 Logo-On上架的 Kanebo' 依隻超級底用＋好用既BB Cream, 我起初買既時候只有3種質地, 而家已經增加到5種質地! 我夏天時就用銅色包裝個款, 感覺清爽, 冬天時候就選用金色, 夏天用金色可能會太厚, 但保濕度相對較高! 如果你皮膚超級乾或比較成熟既膚質, 甘你可選用金色包裝個款! 當然我建議大家自己親身去上手試一試D 質感, 因為每個人喜好唔同! Kanebo依款BB Cream同 nanoce比較, Kanebo比較厚身多小小, 但相對遮瑕度就較好, 基本上, 上一層較明顯既色斑同黑眼圈都會淡晒! 要求吾高既朋友, 吾一定要零瑕的, 基本上再上碎粉已經出得街! 保濕度都吾錯, 尤其係金色, 好潤澤! 而nanoce就抗氧化能力較好, 推開質地較簿! 

最近我見Kanebo 多佐兩款更透簿高仿曬及美白既上架! 不過我就未試過! 大家有興趣不仿去City Super 1次過試晒2個品牌BB Cream比較下! 而我自己銅色包裝已經好滿意! 推介度有90分